ఈ పుట ఆమోదించబడ్డది
పులోముడు
(మానవమూర్తి కనుపించదు... చుళుకంలోని అగ్నిని చూచి)
ఓ హవ్యహవానా! ఒడలు బలిసినదేమి?
పలుకకున్నా వేల పాపాత్మ నీవిపుడు?
అగ్ని
(రూపం ధరించి)
జయ జయ దితిసుతా! జయ సురపతినుతా!
ఎపుడు వేం చేశారు ఎటనుండి వచ్చారు?
పులోముడు
మా రాకతో నిపుడు మా పోకతో నిపుడు
కాలమ్ము వ్యర్ధముగ గడపజూడకు మోయి
ఈ యాశ్రమములోని ఇంతి ఎవ్వరొ నాకు
తెలియ జెప్పితివేని దిక్కు లేలెదవోయి.
అగ్ని
(నెమ్మదిగా)
భృగుపత్ని యంటినా భృగుడు శాపం చిచ్చు
కాదన్న పక్షాన కలుగు ననృతపు దోష
మెటులైన నామెడకె ఏ విధిని తప్పదిది
మునిశాప మంటేను మోదమే కాని
అనృత దోష ఫలంబు అనుభవింపగలేను.
పులోముడు
ఇంత తడవేలోయి?
అగ్ని
ఇంతి భృగుపత్నియే
(రూపం సంహరించుకొంటాడు)
628
వావిలాల సోమయాజులు సాహిత్యం-2
