Jump to content

పుట:Vavilala Somayajulu Sahityam-2 Natakalu.pdf/625

వికీసోర్స్ నుండి
ఈ పుట ఆమోదించబడ్డది

భృగుడు


చింత పెట్టుట కీవు చేసినది యేమిటే?
పూజ్యవౌ నీ కేను బుద్ధి గరపుట లేల!


పులోమ


క్షణములో నిది యేమి క్షమియింప వేడెదను
వక్రవాక్కులటంచు భయము జనియించెడిని
జవ్వన మదంబులో జపతపంబుల కేను
తప్పు లేమైనాను తలపెట్టితినె నాథ!
సంవాహ వృత్తిలో సరసతను వీడి నే
నొప్పించితిన నాథ! నొసల ప్రాదంబులను.


భృగుడు


నీ మనసు నే విధిని నొప్పించితినే దేవి
కారణము లేనట్టి కలత కల్పించినపుడు
వక్రవాక్కుల నెపుడు వచియించితినె దేవి!
అప్రయత్నంబుగా నటుల పలికితినిగాని


పులోమ


స్వామి నాపై మీకు స్వాంతమునగల యూహ
తెలియజెప్పితిరేని తిరముగా చరియింతు

భృగుడు


దేవి! నీవలననే తేజరిల్లెడు నగ్ని
పరమ పూతుండయ్యె పతియైన భృగుమౌని


పులోమ


మీపాద దాసినన్ మీరింత పొగడుటల్
కనికరముచేగాని కలదె నాలో ప్రజ్ఞ


గేయ నాటికలు

625