స్త్రీలు:
తొలి చినుకుల పడ తోచిన తావికి
పరువులు తీస్తున్నయ్ లేళ్ళు,
గిరి శిఖరమ్ముల కురిసిన వానకు
జలజల వస్తున్నయ్ సెలయేళ్ళు
అవిగో...
స్త్రీలు:
ఆశాదీపిక లెద వెలిగింపుడు
అబ్బెడి నూతన జీవిత మిలకిక
అవె వినరయ్యా ఎద లుప్పొంగెడి
ఆటకు నిలిచిన నెమిళ్ళ కేక
అవిగో....
వనితలు:
ఎటకో పోయినవని తలపోసితి
మిటెచేరెను మన ప్రాణాలు
బొరియల నిద్దురు మేల్కొని నిలవక
చరచర విహరించెడి నాగాలు అవిగో...
స్త్రీలు - పురుషులు:
చిటపట చిన్కుల చిందులు ద్రొక్కుచు
సురలోకమ్ముల సిరిసంపదలతో
వర్షాలక్ష్మీ వచ్చావా, హర్షమ్మిల కిదె తెచ్చావా!
స్వాగతమమ్మా స్వాగతము
స్వాగతమిదె సుస్వాగతము
పురుషులు:
నిర్జరణీఘన మంజీరోజ్వల
నినదమ్ములె నీవంది జనమ్ముగ
వర్షాలక్ష్మీ వచ్చావా, హర్షమ్మిల
కిదె తెచ్చావా!
స్వాగతమమ్మా! స్వాగతము, స్వాగతమిదె
సుస్వాగతము!!
స్త్రీలు:
వనముల నందన వనముల జేయగ
నదులన్నిటి సురనదులను జేయగ
వర్షాలక్ష్మీ వచ్చావా! హర్షమ్మిల
కిదె తెచ్చావా!
స్వాగతమమ్మా స్వాగతము, స్వాగతమిదె
సుస్వాగతము
పురుషులు:
మా మొర వినగా, మనసుల నిలుపగ
వరుణుని యొడివిడి పరుగున తల్లీ
వర్షాలక్ష్మీ వచ్చావా! హర్షమ్మిల కిదె
తెచ్చావా!
స్వాగతమమ్మా స్వాగతము
స్వాగతమిదె సుస్వాగతము!!
స్త్రీలు:
ఆనందం మాకానందం..
అఖిలావని కిక ఆనందం
వర్షాలక్ష్మీ వచ్చావా! హర్షమ్మిల
కిదె దెచ్చావా!
స్వాగతమమ్మా స్వాగతము స్వాగతమిదె
సుస్వాగతము!!
గేయ నాటికలు
599
