పురుషుడు:
వస్తోంది, వస్తోంది
సమతాయుగం
వస్తోంది. వస్తోంది
నవతాయుగం
వస్తోంది, వస్తోంది
జనతాయుగం
వస్తోంది వస్తోంది
యువతాయుగం. వస్తోంది.
స్త్రీ:
వస్తోంది, వస్తోంది
సమతాయుగం
తన రాకమెచ్చంగ
పీడిత మహాజనము వస్తోంది.
పురుషుడు:
స్వార్థపరులకు బ్రతుకు
సన్నగిలిస్తంభింప
బలము సామర్థ్యమ్ము
ప్రజకు పంచీయగా వస్తోంది.
స్త్రీ:
ధనిక జన ఘన దౌష్ట్య
దర్పవల్లు త్రుంప
సామ్యవాదుల నిండు
కలలెల్ల పండింప. వస్తోంది
పురుషుడు:
కులతత్వ, మతతత్వ
హింసానురక్తులకు
మీ ఆట సాగదని
చాటి చెప్పుట కొరకు. వస్తోంది
స్త్రీ:
జాతి విద్రోహులను,
నీతి విద్వేషులను
కనువిప్ప కలిగించి
కలిపి నడిపింపగా వస్తోంది
పురుషుడు:
సర్వజన సహకార
సంక్షేమ మార్గాల
నవజీవనమ్మొసగు
జవము చేకూర్పగా వస్తోంది
కథకుడు:
ఇట్టి ప్రోత్సాహభరము పూరించి
సామ్యవాద సమాజమ్ము సత్వరము
కల్పనము చేసి ప్రజకు సౌఖ్యమ్మొసంగ
నిందిరాగాంధి వేవేగ నేగదలచె
వచ్చె చీలిక కాంగ్రెసు పక్షమందు
సంతసించిరి ప్రతిపక్ష సభ్యులపుడు
ఎన్నికలలోన నావె నోడింతు మనుచు
ఇందిరయె గెల్చె ప్రజలు హర్షించినా
స్త్రీ:
ఎన్నెన్నొ కలలు గన్నారు
ఇందిరా శత్రువులు
ఎన్నెన్నో కలలు గన్నారు
ఎన్నికల గెలువదని
ఎన్నెన్నో కలలు గన్నారు.
గేయ నాటికలు
593
