ఈ పుట ఆమోదించబడ్డది
యువరాజు
తడవు చేయగరాదు తండ్రియానతి యైన.
మాధవాంబ
నన్ను విడచి మీరెన్నడు నాల్గడుగులు నడువలేదు
పోయెదరా, నాథా, పోయెదరా, నాథా!
యువరాజు
(శిరము ముద్దిడి)
అరుదెంతును శీఘ్రముగా అధైర్య మెందులకు దేవి!
తండ్రి యానతి యైన తడవు చేయగరాదు.
మాధవాంబ
(కష్టముగా)
పోయిరండు నాథా! పోయిరండు నాధా!
యువరాజు
(సౌవిదల్ల వైపు తన ముఖము త్రిప్పి)
వెడలుదమా ఆర్యా! వేళచాలనయ్యె
వేచి యుందురేమొ, వెడలుదమా ఆర్యా!
4
(రాజసభ - కాంచీనగరము - ధర్మామాత్యుడు - మనునీతి - సౌవిదల్లుడు, ఇతర భృత్యులు)
మనునీతి
తప్పిదంబు వింటిరిగద ధర్మవేత్తలగు మీరలు
శిక్షాస్మృతి యేవిధిగా చెప్పునొ వినిపింపవలయు.
గేయ నాటికలు
575
