2
పాండవ విజయము
కర్ణసంరోధియై కల్మిఁగాంచుఁగాని
కాలగతిఁగ్రుంగుఁ బాండవాక్రాంతమగును
నటి- కాలక్రమముమాటఁ దలంచిన నీకురుల సంతతియే కాదు
గీ. అంచితాంగాతిశయమెల్ల నడఁగిపోవుఁ
జివరకు బలంబు శల్యావశిష్టమగును
గడకు భీమగదాహతిఁ గాళ్ళు గదప
లేక చెడు రాజరాజైన వీఁక యెడలి.
సూత్ర- ఈయప్రస్తుత ప్రశంసవలనఁ బ్రకృతమే మఱచితిని.
నటి- 'ఏమి సెల'వని మొదటనే ప్రార్ధించితిని గదా.
సూత్ర- ఇదిగో నీ పత్రికఁ జదివికొనుము. (చేతికిచ్చును)
నటి- (తనలోఁజదివికొని ప్రకాశముగా)
గీ. పాండు సంతాన కీర్తి దర్పణము ధార్త
రాష్ట్రశతతతదుర్యశోర్పణము నవర
సాపణముఁ జూడవలయు సంసారభార
తరణమగునట్టి యాభారతరణమిపుడు.
అని యందున్నద.ఇ కావునఁ తత్కథాభూయిష్టమగు నాటకమును బ్రదర్శింపవలయు. కాని యట్టి నాటక మేదియో స్మృతికి రాకున్నది.
సూత్ర- స్మృతికి రాదేమి? నేనిదివరకే నిశ్చయించుకొని యున్నాను.
నటి- దానిపేరేమి సెలవిండు.
సూత్ర-
సీ. గోదావరీ పావనోదార తీరద్వ
యీరాజితావనీదారుఁడనుచు
సంస్కృతాంధ్రకవిత్వ సారస్వమకరంద
భసలాయితామిత ప్రతిభుఁడనుచు
హూణభాషోదన్వ దుల్లంఘనక్రమ
ప్రాప్త బీ. ఏ. పట్టభద్రుఁడనుచుఁ
గరుణాంతరంగరంగత్కటాక్షచ్ఛటా
పాలితాఖిల పరివారుఁడనుచుఁ
నెవని నుతియింతు రట్టిపోలవరనగర
పాలకుండును బ్రాహ్మణ ప్రభువునైన
కృష్ణభూపాలకవరుని ప్రేరేపణమున
సకలగీర్వాణ రూపరూపకము లరసి.