పుట:TeluguVariJanapadaKalarupalu.djvu/94

వికీసోర్స్ నుండి
ఈ పుట ఆమోదించబడ్డది

కృషి చేసేవారట. అంతేకాక తమ పిల్లలకు పది సంవత్సరాల ముందు నుంచే నృత్య విద్యను నేర్పేవారట.

మాయల్ అనే ఆయన విజయనగరం లోని ఒక నాట్య శాలను గురించీ, నర్తకులు తమ అంగసౌష్ఠవాన్ని పెంపొందిచుకోవడానికి ప్రతి రోజు చేసే అభ్యాస పరిశ్రమల్ని గురించి "దిఫర్గాటన్ ఎంఫైర్" అనే గ్రంథంలో ఉదహరించాడు.

ప్రయోగం పసగడితేనే రంగంపై రాణింపు:

నాటక ప్రయోగం విషయంలోఆనాటివారు ఎంతటి శ్రద్ధాసక్తుల్ని కనబరిచారో గంగాధర కవి రచించిన " గంగాదాస ప్రతాపవిలాసం" అనే నాటకంలో వివరించ బడింది.

బొంబాయి రాష్ట్రంలోని పాంచమహల్ మండలంలోనున్న 'పావగడ' రాజ్యానికి ప్రభువైన గంగదాసు దిగ్విజయం దీని ఇతివృత్తం.

గంగాదాసు గంగాధర కవిని కోరి వ్రాయించుకున్న నాటకం ఇది. దానిని రంగ ప్రయోగం చేయించుకోవాలని అతనికి అమితమైన ఉబలాటం. అందుకు సమర్థుడైన ప్రయోక్త కోసం గంగాదాసు వెతికిస్తునాడట. ఆ వార్తను విజయనగరం సంస్థానంలో వున్న ఒక నటుడు విని, నేను ఆ నాటకాన్ని ప్రయోగం చేస్తానని తన ప్రభువైన మల్లికార్జునుడికి విన్నవించగా ఆ ప్రభువు అతణ్ణి బహుమాన పురస్పరంగా పావగడకు పంపించాడట.

రంగ ప్రయోగం ఒక విశిష్ట శిల్పమనీ, ఉత్తమ నాటక రచనలు వున్నప్పటికీ ప్రయోగ శిల్పం తెలిసిన సమర్థులే గనక లేకపోతే అవి రంగస్థలం మీద రాణించడం కష్టసాధ్యమనీ ఆ కాలం వారు పూర్తిగా గుర్తించారనడానికి ఇది చక్కని నిదర్శనం.