పుట:TALANKA-NANDINI-PARINAYAMU.pdf/98

వికీసోర్స్ నుండి
ఈ పుట అచ్చుదిద్దబడ్డది

ప్రథమాశ్వాసము

27


సత్కుశేశయరమ్యమౌ సరసిజాక
గమ్ములు తిరమ్ముగలుగు పురమ్ములోన.

109


చ.

లలనలు మేఘరంజ ననులాపనజేయఁ బయోదపంక్తిని
న్వెలువడి ముత్తియమ్ము లురువృష్టి ధరం బడి తత్సుగీతవా
క్కలనగరంగి యాచెఱుకుకాల్వల కెక్కిన తొంటిరూపులన్
మొలుచుటగాక తుంటలను ముత్తియముల్ జనియింప నేటికిన్.

110


సీ.

తనతురంగం బున్న తావిదే యనుచునో
        ముగుదలముఖబింబములను వెదకి
తనహయం బాశ చే జను మృగతృష్ణయో
        యని సతీనఖముఖఘృణుల నెమకి
తనను పైమ్రోయువాహన మిదే యనియునో
        లలనల నేత్రాంచలముల నరసి
తనహయమదసుగంధవ్యాప్తి యనుచునో
        సుదతుల చనుఁగవల్ [1]జొచ్చి చూచి


గీ.

పుడమి నెల్లను తనదు తత్తడిని గనక
బడలువడ దీరువెనుక నల్గడలు నెమక
గోరి యుపవనముల సేవదీర మెల్ల
మెల్లన జరించుచుండు సమీరణుండు.

111


చ.

విరులఁ దొఱంగు పుప్పొడిని వెన్నెలకుప్పల నాడి పువ్వుదే
నెరసపుచెమ్మట ల్గురియ నేర్పలరం 'జెడుగుళ్ళ' నాడి క్రొ
మ్మెఱుఁగుల చించు ఱాచలువమేడల 'జీకురుబండ' లాడి క
ప్పురఁపు టనంటి గుంపులను బూచుల 'దాగిలిమూత' లాడి వే
సరి కడుడస్సి దూబటిలి సారసనేత్రల చన్నుదోయి క
ప్పురముల చల్వ చెమ్మటలఁజెంది జెలంగు మరుత్కిశోరముల్.

112
  1. చూచి చూచి (లి)