పుట:TALANKA-NANDINI-PARINAYAMU.pdf/439

384

తాలాంకనందినీపరిణయము

⁠

శ్రీలం జెంది త్రయోదశాబ్దముల బాఱిం దేరి సౌభద్రు ను త్రాలప్రక్రియ తల్లితో మగుడ నింద్రప్రస్థముం జేర్చియున్.

⁠ 230

చ.⁠

కొడుకును కోడలిం గని యకుంఠకుతూహలు లౌచు నక్కులం దిడుకొని ధర్మజప్రముఖు లెంతయుఁ దాము వివాహకాలమం డెడపడయుంటచే మది నొకింతఁ గొఱంతను నుత్తరాసతిం దడయక పెండ్లి సేయఁగను దానికి గల్గె పరీక్షితీశుఁడున్.

⁠ 231

క.⁠

ఆతఁడె భవజ్జనకుండై యతులితభరతాన్వయంబు నలఱించెను ద త్ప్రతినిధివి నీవు నిఖిల క్షితిపాలనజేయు సుప్రసిద్ధుఁడవు గదా!

⁠ 232

క.⁠

ఆయావృత్తాంతము వాక్ శ్రీయుక్తి సవిస్తరముగఁ జెప్పితి మునుపే వేయువిధంబుల నీమది నేయెడ మఱుపొందునే మహీతలనాథా!

⁠ 233

క.⁠

ఈపగిదిం జనమేజయ భూపతికిం బైలుఁ డమృతపుంజరసోక్తుల్ జూపట్టఁ దెలిపి తత్పతి చే పూజితుఁడై నిజేచ్ఛచే జనుదెంచెన్.

⁠ 234

ఫలశ్రుతి

క.⁠

శేషాద్రినాథభక్తిమ నీషం దాలాంకనందినీపరిణయముం భాషించిన విని వ్రాసిన దోషములఁ దొలంగి ముక్తి తుది లభియించున్.

⁠ 235