పుట:TALANKA-NANDINI-PARINAYAMU.pdf/430

షష్ఠాశ్వాసము

375

⁠

భనమని యొక్కచంద్రముఖి పాటలుఁ బాడఁగ వచ్చె మున్ను బే ర్కొను తన మందయానమునకు న్నెఱిముప్పిరి తో డొసంగఁగన్.

⁠ 197

చ.⁠

మనమున ధైర్యముం దొలిఁగి మాటికి కంపభయప్రమోదము ల్బెనఁగొన మోమునం జెమటబిందువు లల్లుకొనంగ మెల్లమె ల్లన నడగొంక పద్మముకుళస్తని వచ్చె ధనాఢ్యుపాలికి న్మనవి యొనర్పవచ్చు ఘనమానుషశాలివలె న్నతాస్యయై.

⁠ 198

ఉ.⁠

అండజయాన కేళిభవనాంగణ మీగతి జేరవచ్చుచో నిండె సువాసన ల్మణివినిర్మితగేహములందు దట్టమై, నిండె తదంగకాంతులు ఘనీభవమై దశదిక్తటంబుల న్నిండె నృపాలమౌళికి మనీషను మోహపుఁగోర్కె లెక్కువై.

⁠ 199

సీ.⁠

లలన లివ్వల నవ్వలను గ్రమ్మి నడిపింప         రిక్కలనడి చంద్రరేఖఁ టోల్చు పటుహాటకస్తంభపంక్తి మర్వున నిల్వ         మరునికీల్బొమ్మవైఖరి జెలంగు సిగ్గున తెరచాటు జేరుచో జలధర         తతి సమావృతతటిద్గతి దనర్చు చెలులు కట్టెదుట జేర్చిన పద్మినీబృంద         గతహంసడింభకాకృతిని మెలఁగు

⁠

గీ.⁠

కేలు లందించి పాన్పు నెక్కింప నిగుడ గిరిసమారోహబర్హిణీక్రియ నొసంగు సరసునకు దన్ను సమకూర్చు సమయమునను గొంత లజ్జను తలవంచి సంతసించి.

⁠ 200

క.⁠

చనుచో ననుమానించెటి వనజేక్షణ నరసి చూడవలెనని కోర్కు ల్గన మాటు నృపుని నరసియు వనితామణు లనిరి ప్రౌఢవచనరచనలన్.

⁠ 201