పుట:TALANKA-NANDINI-PARINAYAMU.pdf/386

వికీసోర్స్ నుండి
ఈ పుట అచ్చుదిద్దబడ్డది

తాలాంకనందినీపరిణయము

షష్ఠాశ్వాసము

క.

శ్రీతరుణీతరుణోరో
జాతాలయనీతపూతచందనవక్ష
స్స్ఫీతశరజాతజాతసు
గీతప్రియచేతశేషగిరిమృగపోతా.

1


క.

చిత్తావధాన పైలుం
డత్తఱి జనమేజయున కనంతకథ వా
గ్వృత్తమది దెలియఁబలికె వి
యత్తటినీవీచికామహత్తరఫణితిన్.

2


చ.

అపు డరుణోదయం బగుట నంతకుమున్నె ప్రభాతగీతివా
ఙ్నిపుణనినాదమోదితమనీషులునై బలకృష్ణు లా సుశు
ప్తి పరవశంబులం గలంకదేఱి సమంచితకాల్యకృత్యముల్
విపులమతి న్సభ క్తి నెరవేర్చి సభాభవనంబుఁ జేరియున్.

3


తే.

వన్నెలజిలుంగుతాప్తాతివాసిపైన
సొన్నమఖమల్గలీబపై బన్నియున్న
దక్కియలనాని కొలువుండి రక్కజముగ
హితపురోహితసుతమిత్రతతులు గొలువ.

4


సీ.

ఒకచోట నృత్యగాయకకూట మనురక్తి
        కాలతాలక్రియాగతి నటింప,
నొకవంక విద్వాంసు లకళంకగతి నహం
        పూర్వ మహంపూర్వముగ వచింప