పుట:TALANKA-NANDINI-PARINAYAMU.pdf/348

పంచమాశ్వాసము

293

ఉ.⁠

అందుకుఁ గర్ణముఖ్యులు మహాద్భుత మందుచు బల్కి రిట్లు మే ల్కుందనఁపున్ సలాకు వగ గుల్కెడు కన్యను జూచి లోకు లా నందముఁ జెంద నీవు మదనత్వర నున్మదివై దురూక్తులన్ నింద యొనర్ప నీకు దగునే యిటు చక్కని రాజకూఁతురిన్.

⁠ 149

క.⁠

పెనుభూతము నిను సోకెనొ కనులం గనుఁగొనవొ కన్యకామణి రూపుం గని కళవళించెదో పులి యని యెలుఁగని భూతమని మహార్భటు లేలా.

⁠ 150

క.⁠

చెలు లెల్లఁ జూచి రోయం బలభద్రుని మనసు నొవ్వ బంధులు నొవ్వన్ గలవార లిట్లు వదఱుట తలవంపులు గావె నీకు తలిదండ్రులకున్.

⁠ 151

క.⁠

నిను చుట్టుముట్టి మే మీ యనువున గాపాడుచుండునంతటిలోనన్ మినుతూఁటు బుచ్చుకొని వ చ్చెనె బెబ్బులి వినఁ గన న్విచిత్రము గాదే!

⁠ 152

క.⁠

ఐనా యింకొకసారి ని దానింపుచుఁ జూడు మనుచు తరుణీమణికై వాని మరల్చి కనుంగవ చే నీరును నొత్తి బుద్ధి జెప్పిన నతఁడున్.

⁠ 153

తే.⁠

బంధుజను లిట్లు దెల్పి నిర్బంధమునను గడుభయంబున మూసిన కనులు దెఱచి గడగడ వడంకి పెదవులు దడపుకొనుచు గ్రమ్మఱను జూడ దనుజుఁ డుగ్రగతితోడ.

⁠ 154

క.⁠

మిడిగ్రుడ్లుం బెడకోఱలు కడువిపులశిరంబు తొట్టికడుపు న్నిడుపుం

⁠