పుట:TALANKA-NANDINI-PARINAYAMU.pdf/337

282

తాలాంకనందినీపరిణయము

⁠

నెఱిముఱిగా వచింప ధరణీవరకన్యలఁగూడి రేవతీ తరుణియు వెంటరా నడిచెఁ దత్కురురాజు నెదుర్కొన న్మతిన్.

⁠ 85

గీ.⁠

సారణానిరుధ్ధసాంబోద్ధనాక్రూర చారుదేష్ణముఖ్యు లీరసములు మదిన దగి విలంబమందక పోరామి వలన పెండ్లి జూడ వచ్చి రపుడు.

⁠ 86

క.⁠

హరి సాత్యకియుం దక్కఁగ పురమున గల సకలయాదవులతోగూడన్ బురికొల్పి రౌహిణేయుఁడు కురురాజుకుమారు నెదురుకొనఁగా నేఁగెన్.

⁠ 87

చ.⁠

అనఘుఁడు రేవతీరమణుఁ డంతిపురం బటు నిర్గమించి వా ద్యనినదముల్ జెలంగఁ గలశాంబుధిఁ బొంగినయట్లు సంబరం బున నృపపుంగవుల్ బుధులపూర్వహితుల్ దగ వారివారివా హనముల నెక్కిరాఁ గదను హాటకదీప్తరథాధిరూఢుఁడై.

⁠ 88

మ.⁠

దివిటీల్ వెన్నెలపంతియల్ మెఱుపుబత్తీ ల్కాగడా లారతుల్ భువనద్యోతులు మంచుబుడ్లు బిరుసు ల్మోంబత్తు లొక్కొక్కచా లు వెయిల్వెల్గ సుయోధనుం డెదురుకో ల్కూడంగ నేతెంచె బం ధువితానంబులు విప్రసంఘములు దోడ్తో వెంట నేతేరఁగన్.

⁠ 89

క.⁠

యమునానదీప్రవాహం బమర దీపూర మెనసినట్లు పరీవా రము దాము నెదుర్కొను కురు సముదయమున్ వాహనములసరగు నడిగియున్.

⁠ 90

తే.⁠

విరులు గంధవళ్లు విమలశుభాక్షత లొకరికొకరుఁ జల్లుచుండునంతఁ

⁠