పుట:TALANKA-NANDINI-PARINAYAMU.pdf/324

పంచమాశ్వాసము

269

⁠

మాట లికేటికి పాండవ కోటికి సాటికిని మే మగుదుమే దలఁపన్.

⁠ 22

చ.⁠

బలీయులు కర్ణసౌబలులుఁ బల్కరె మీవలె నెన్నఁడైన దు ర్బలవచనంబు లిట్లు యదువర్గము మాహితులైన పాండవా వళి యననేమి యాత్రిపురవైరియు నేమి బిడౌజుఁ డేమి మ త్కులిశగదాప్రఘాతమునకుం బొడరంగలరే కనుంగొనన్.

⁠ 23

చ.⁠

పలుమఱు లీనిషేధములు బల్కకు, డింతట మామనంబు రం జిల కనకాభిషేకములు జేసినయట్లు భవత్ప్రియోక్తులం జెలిమిని చెవ్వియొగ్గిన వచింపుడు పెండిలిమేలుఁ జూడకో ర్కెలు గలవేని రండు యిది కీడని దోచిన రాకుఁ డింతటన్.

⁠ 24

క.⁠

పలుఁ బల్కు లనఁగ నేటికి బలరాముం డొకఁడు మాకు పట్టైయున్నం బలియులగు పాండవేయుల దల నెత్తఁగనీక బాఱ దఱుమఁగలేమే.

⁠ 25

క.⁠

అని యుల్లసోక్తు లాడఁగ విని భీష్మద్రోణు లవనివిభున కని రయో జననాథ! కోప మేటికిఁ గనియెదుగా కింక కార్యగతఫలసిద్ధిన్.[1]

⁠ 26

ఉ.⁠

కాలము దేశముం దెలియకన్ వచియించెడి వారినెల్ల మే ల్మేలని మెచ్చె దీ విపుడు మీ రటు హాని దలంప నీమతిం బేలరొ! పాండవోత్తము లహీను లటంచు దలంచె దించుకన్ తాలిమిలేక నీకు తలఁదాకిననాటి కెఱుంగ నయ్యెడిన్.

⁠ 27

1. ఈ పద్యము తరువాతనుండి ‘మును శుకరాజమున్— ’ అను పద్యము
   వరకు 'లి' లో పూర్తిగా లేవు. 'తా'లో అసమగ్రములుగా గలవు.