పుట:TALANKA-NANDINI-PARINAYAMU.pdf/271

వికీసోర్స్ నుండి
ఈ పుట అచ్చుదిద్దబడ్డది

216

తాలాంకనందినీపరిణయము


మ.

ఇలలో పాండవు లెంతవారయిన నేమీ, కౌరవాధీశుతో
తులదూగంగల రాజు లేఁడనుచుఁ దోడ్తో వియ్యమందంగ నా
తలఁపుం బూనుట కింతగా వగవ నీధర్మంబు గాదమ్మ మున్
బలిమి న్ని న్గొనిపోవునాటి ప్రియమౌ బాంధవ్యముం జాలదే.

91


క.

అని కర్ణశూలములుగా
వినిపించిన రోషదుఃఖవివశతచే స
భ్యనికాయ మెల్ల గనుఁగొన
దనుదానె దురంతచింతితాస్వాంతయునై.

92


సీ.

కజ్జలంబు దొఱంగఁగా వెడల్కన్నీరు
        పాలిండ్లకుంకుమ పదను చేయ
నుడుకుగా వెడలు నిట్టూర్పుచే నంతంతఁ
        జిగురాకుమోవి బిట్టగిలి కంద
ఖిన్నతచే కళ ల్సన్ననై యున్న నె
        మ్మోముదమ్మి యొకింత మురువుదప్ప
పవమాననిహతకల్పకవల్లికాభమై
        నెమ్మే న్వడంకుచుఁ జెమ్మరిల్ల


తే.

చింత నెదగూర్చి చెక్కిట చెయ్యి జేర్చి
చాల మదిరోసి బొటవ్రేల నేలరాసి
మొదటి హలిమాటలు దలంచి మోము వంచి
బలికె నొకమాట వాక్ప్రౌఢి బయలునాట.

93


మ.

తలిదండ్రు ల్విబుధు ల్సహోదరులచెంతన్ మున్ను నాకిచ్చు బా
సలు 'నే నవ్వుల కాడినాడ'నని కోసంబోక పల్కంగ ని
చ్చలు ని న్వేడిన లాభమేమి కురురాజశ్రీకి మోహించి పే
దలు కుంతీసుతులంచుఁ బల్కుటలు మీఁదం గానఁగా నయ్యెడిన్.

94


సీ.

ప్రియబంధువుల సంపదయు నుతించితె చాలు
        నొరులలేమి కసహ్య మొందవలెనె?