పుట:TALANKA-NANDINI-PARINAYAMU.pdf/266

వికీసోర్స్ నుండి
ఈ పుట అచ్చుదిద్దబడ్డది

చతుర్థాశ్వాసము

211


వినజాటినంతలోపల
గనుఁగొని మదిలో సుభద్ర కళవళబడుచున్.

59


క.

వెలవెలనబోయి తాన
వ్వలదోఁచక కొంతవడికి వనజాక్షున కీ
బలుఁ డుద్యోగించిన పెడ
తలఁపుం దెలుపంగ నతఁ డదల్పకయున్నే.

60


వ.

అని నిశ్చయించి.

61


చ.

కనుఁగవ కెంపుఁ బార మది కళ్వళ మంతకు బెంపుదేర హె
చ్చిన తమి మీరఁ జెక్కువగ చెమ్మటజార ప్రలంబవైరిపై
తనకసి దీర పట్టువిడి తాలిమి దూర సరోషభీషణా
నన మలూర నాకమలనాభునిచెంతకుఁ జేరి యిట్లనెన్.

62


క.

తగునా భవదగ్రజుఁ డి
ట్లగు నాయముదప్పి కన్య నన్యులకిడ మే
లగునా? నేటికి మీకుం
దెగు నాపాండవులతోడ నిక బాంధవమున్.

63


మ.

తొలుతన్ మీమగవారు మీర లతియాప్తుల్ బాంధవశ్రేష్ఠులౌ
టలు నూహించిగదా యిట న్మముల నుండంజేసి తా మావన
స్థలి నవ్యాజను సంచరించ జనినంతం బెద్దమాయన్న న
న్నలయింపం దనకూఁతు మత్సుతున కియ్యంగోరి నేడీగతిన్.

64


క.

కలిమి గలవా రటంచని
వలఁచి సుయోధనకుమారవరునకు నొసఁగం
దలఁచె నిది తగవె మీకుం
దెలియని ధర్మములుఁ ద్రిజగతీస్థలి గలవే.

65