పుట:TALANKA-NANDINI-PARINAYAMU.pdf/252

తృతీయాశ్వాసము

197

సీ.⁠

కనుల నిందిందిరకజ్జలంబును దీర్చి పైపరాగము పచ్చిపస పలంది కుసుమమరందమ్ము ఘసృణాంకము ఘటించి రహిపత్రికాలంకరణ మొనర్చి శృంగారకర్ణికాభంగసద్భూషియై భాసురహంసికాప్రాప్తిఁ దనరి విమలోర్మికాకంకణములను ధరియించి డంబుగా నుదయరాగంబు దాల్చి

⁠

గీ.⁠

మిసిమితరఁగల పయ్యంటముసుఁగు దాల్చి మురిపె మొక్కింత మోమున నొఱపు నెఱప మొదలఁ బద్మిని దనమిత్రు నెదురుగొనియె నేటిపద్మినిజాతి కీరీతి గాదె.

⁠ 172

ఉ.⁠

ప్రాకటమోదనాదముల పక్షిరవంబు జెలంగునంతలో వేఁకువబోఁటి ప్రాక్శిఖరి వేడ్క మెలంగుచు దోహదక్రియం గైకొన గోఁగుబువ్వు గొలుకం బలుకు న్రచియించెనో యనం గోకతతు ల్జెలంగ తొలిగొండ నినుం డుదయించెఁ దీప్తుఁడై.

⁠ 173

క.⁠

ఆయవసరమున శశిరే ఖాయతలోచనను జేటికాంగనలు నొగిం బాయక మెలఁగి రటన్నను శ్రీయుతుఁడౌ ఫైలు నవలఁ జెప్పు మనుటయున్.

⁠ 174

ఆశ్వాసాంతము

సోష్ఠ్యనిరోష్ఠ్యము

చ.⁠

పురపరిపంథమౌళిభృతపూతపదాపగభక్తమాన్యపా మరపరిపాలభూరమణమానవరూపతపస్థపూజ్యపా మరమదమర్షబాలవిధుఫాలపరాత్ప పుష్టివాసవా పరమతభేదభూరిభయదారవిరామరమేశ మాధవా.

⁠ 175