పుట:TALANKA-NANDINI-PARINAYAMU.pdf/232

వికీసోర్స్ నుండి
ఈ పుట అచ్చుదిద్దబడ్డది

తృతీయాశ్వాసము

177


మిణుఁకుకర్పూరహారతికళికవలెను
శ్రీకరుం డౌచు బొలిచె సుధాకరుండు.

105


సీ.

అమరనాయకవధూహర్మ్యాగ్రవిలసిత
        కనకమణిప్రభాకలశ మనఁగ
బ్రాగ్దిశాకామినీఫాలభాగంబున
        పొంకమౌ ఘసృణపంకాంక మనఁగ
దర్పకదండయాత్రాసూచకంబైన
        షకలాతుడేరా నిషాని యనఁగ
ఘననిశాకాంతాముఖప్రభాలోకనా
        ర్థము బూను మించుటద్దం బనంగ,


గీ.

చీఁకటు లణంగ సారసశ్రీ దొలంగ
కలశనిధి బొంగ జక్కవకవ దొలంగఁ
గోర్కె లలరంగ తూరుపుకొండమీఁద
డంబుమీరంగ నిందుబింబంబు పొడమె.

106


గీ.

తపను సాహస్రకిరణసంతప్తమైన
గగనలక్ష్మికి చంద్రికాగంధ మలఁది
ప్రాక్సతీమణి వీవ చేపట్టినట్టి
తాళవృంతంబుగతి సుధాధాముఁ డలరె.

107


చ.

కలువలు విప్పఁ బద్మినులకాంతులు దప్ప రథాంగదంపతీ
కులములు మోము ద్రిప్ప సురకోటులు విందుల నొప్ప వారిరా
సులు పయికుప్ప వెన్నెలలసొక్కులు దిక్కులు గప్ప వింతగా
చలువవెలుంగుకుప్పరుచి సాంద్రత తూరుపుతిప్ప నొప్పఁగన్.

108


గీ.

సరసమై వసుగంధప్రసక్తి బూని
శతభిషక్రియ మౌచు సత్సంగతి దగి
వివిధరుఙ్మండలు హరించి కువలయప్ర
మోదము నొసంగె పూర్ణచంద్రోదయంబు.

109