పుట:TALANKA-NANDINI-PARINAYAMU.pdf/206

వికీసోర్స్ నుండి
ఈ పుట అచ్చుదిద్దబడ్డది

తృతీయాశ్వాసము

151


తుమ్మెద ల్బలుదుమారమ్ము లేపుచు బయల్
        గ్రమ్మి ఝమ్మని తలది మ్మొనర్పఁ
బిల్లతెమ్మెరలు మేనెల్ల చిల్లులు వోవ
        చల్లనై బెల్లుగా నల్లుకొనఁగఁ
గప్పురంబుల బూదిపుప్పొడు ల్గొప్పలై
        ఱెప్పలా గుప్పున నప్పళింప


తే.

నింటను చిరంటు లెవరు లేకుంటవలన
జంటవిడి యొంటరిగ కోనవెంట దిరిగి
తుంటవిల్బంటతూఁపుల నంటి యెంతఁ
గంటకించెనొ గదరె వాల్గంటులార!

19


సీ.

లలితమృణాళనాళమ్ము లచ్చట జూచి
        చెడుగుఁ జిల్వ లటంచు జడిసెనేమొ!
కోకిలంబులకూక లాకులంబు లొనర్పఁ
        బెనుభూతము లటంచు బెదరెనేమొ!
కారుపూఁబొదల మయూరంబులను జూచి
        సోఁకుమూఁక లటంచు సొలసెనేమొ!
గుంపుమావిజిగుళ్ళజొంపంబు గనుఁగొని
        వనహుతాశనియంచు వణఁకెనేమొ!


గీ.

లీలచేనైన క్రొన్ననవాలుజోలి
మూల మెఱుఁగని యిప్పసిబాలకీవి
రాళిఁ దూలగజేసె యీవేళ గోల
నెందు వెదకుదమని భయం బంది గుంది.

20


సీ.

సురపొన్నమ్రాఁకుల జోడుల నీడలఁ
        జెలువొందు కలిగొట్ల చెట్లపట్ల
పాటలద్రుమముల తోఁటలమాటుల
        లలితవాసంతికాలతల జతల