పుట:TALANKA-NANDINI-PARINAYAMU.pdf/174

ద్వితీయాశ్వాసము

119

చ.⁠

వనితను మీరు గూర్తురను వాంఛ నిరీక్షణ సేయ మత్ప్రియన్ ఘనకచయంచు మీరలుకగా మొగమెఱ్ఱన జేయనేల త ద్ఘనమను వాచకార్థ మధికంబునకై ఘనవేణియై దగెన్ వినుఁ డిక యంచలార సతివేనలిచే ఘనముం జయించెడిన్.

⁠ 184

సీ.⁠

తలఁపగా ఘనవిరోధము వహించిన మీకు         పరమహంసఖ్యాతి బరఁగు టెట్లు పాటింప సరసుల భంగంబుగను మీకు         మానసప్రేమ మైబూను టెట్లు భువనజాత మడంచి పొడచి పెంపగు మీకు         చక్రాంగనామంబు జరుగు టెట్లు సత్యసంగతి విసర్జనజేసి మను మీకు         శారదావాహాప్తి గోరు టెట్లు

⁠

తే.⁠

ధరణి వెలిపుల్గులనుపేర దనరు మీకు సద్విజులలోన బేరంద జాలు టెట్లు గాన మీపేరు విన్నమాత్రాన నఖిల విప్రయోగులు కడలేనివెతలఁ గనరె.

⁠ 185

సీ.⁠

ఘనవిముఖావాప్తి గల్గియుండుటె గాదు         పంకజాతాసక్తిఁ బాలుపడుట యప్రియవృత్తిచే నలరియుండుటె గాదు         అచలరంధ్రాన్వేషణాప్తిఁ గనుట వసుధనిజాత్యనువర్తనయే గాదు         వాఙ్మాత్రమైత్రిభావమున గనుట మానసోన్నతగర్వ మతిమెలంగుటె గాదు         సంతతమందప్రచారు లౌట

⁠

తే.⁠

తెలిసి శుచిపక్షులని సత్యనిలయు లనియు మీదుముఖరక్తిఁ జూచి భ్రమించి సఖిని గూర్తు రంచని నమ్మి నే నార్తిచే ను తించితిని మిమ్ము నోరూర నంచలార.

⁠ 186