పుట:TALANKA-NANDINI-PARINAYAMU.pdf/161

109

తాలాంకనందినీపరిణయము

గీ.⁠

నమృతసేవన మటుమీఁద నందుఫలము కలికికెమ్మోవి చవిగొనఁగలిగినపుడు నహహ! యిటువంటిచెలిఁ బొందునట్టి భాగ్య మున్నదో? లేదొ! తెలియరాకున్న దిపుడు.

⁠ 128

క.⁠

తూండ్లవలె భుజము లతనుని విండ్లవలెం బొమలు ధరణి వెదకిన నిదె పూఁ బోండ్లతలమిన్న దీనిం బెండ్లాడినవాని భాగ్యవిధి మేల్దలఁపన్.

⁠ 129

సీ.⁠

తరుణికి విలసదధరముఖవర్ణలో         పం బౌచుఁ దనరె గుబ్బలబెడంగు కలికికి యాననాకారశూన్యం బౌచు         నానాఁడు జెలఁగె నెమ్మేనిసొబగు లలనజఘనమండలదీప్తిని బొసంగె         జలజాక్షికుంతలమ్ములమెఱుంగు సతికిని చరమభాయుతకరమ్ములుగాఁ బ్ర         కాశించె లసదూరుకాండయుగము

⁠

తే.⁠

పొలఁతి కిటువలె నవయవంబులను దామె యొకటి నొకటెంచి తమతమయునికి డించి తాదృశాకృతులకు సాటి దనరుచుండ మామకస్వాంతమలబడు టేమివింత.

⁠ 130

సీ.⁠

సారంగములమించు సతికొప్పుననె గాదు         కనుదమ్ముల బెడంగునను హసించుఁ బున్నాగముల మించుఁ బొక్కిలినే గాదు         గంభీరగమనసంగతి నడంచు. ఘనకాంచన మణంచు కాయంబుననె గాదు         సరసనాసావిలాసత వహించు

⁠