పుట:TALANKA-NANDINI-PARINAYAMU.pdf/135

80

తాలాంకనందినీపరిణయము

ఉ.⁠

కొమ్మరొ! దీనికి న్వెతలఁ గుందఁగ నేటికి బాండవుల్ త్రిలో కమ్ములఁ బూజ్యు లట్లగుటఁ గౌరవకృత్సమయత్రయోదశా బ్దమ్ములు శీఘ్రతం గడపి దజ్జయలక్ష్మి వరించి వత్తు రో యమ్మ సుభద్ర నీహృదయమందున నమ్మగదమ్మ సమ్మతిన్.

⁠ 6

మ.⁠

అదిగాకన్ భవదాత్మజుం డధికశూరాగ్రేసరుండై శుభా భ్యుదయస్ఫూర్తి రహించఁగా గలఁడు వేరొం డేమియున్ లేక నీ పదమూఁడేడు లిట న్వసింప నటపై బాలుం డఖండప్రభా స్పదుఁడై పాండుకులప్రదీపకుఁ డగున్ శాతోదరీ! సోదరీ!

⁠ 7

కం.⁠

అని తరలనయన నీగతి ననితరలాలన మృదూక్తు లాడిన సతియం తన దనయనుమతితోడం దనతనయుఁడుఁ దాను సమ్మదమ్మున నిలిచెన్.

⁠ 8

ఉ.⁠

తల్లియు నౌ యశోదయు మొదల్గల యాదవభామినుల్ మనం బుల్లసిలం గవుంగిళుల నొత్తుచుఁ జెక్కున జెక్కుఁ జేర్చి-మా తల్లి సుభద్ర! నీమది వెత ల్గననేటికి నాడు తోడులం దెల్ల విధంబుల న్నెనరు లింతుల కొక్కటి గావె జూడ సం పుల్ల సరోజనేత్రి యని బుజ్జగిలం బలుకం బ్రమోదియై.

⁠ 9

కం.⁠

అన్నలు వదినెలు నీగతి నున్నతి దను గారవింప నొక పాటిగ, దా నన్నరు మీది [1]మరు ల్మదిఁ గొన్నిదినంబులకు మరుపుఁ గొనినటు లుండెన్.

⁠ 10

కం.⁠

ఇభనిభశుభగమన రమా విభుని సమాదరణవలన వెతనుడిగి మహా

⁠

1. మరుల్గొన -మూ.