పుట:TALANKA-NANDINI-PARINAYAMU.pdf/114

ప్రథమాశ్వాసము

43

⁠

కరులయందును రాజవరులయం దొకరీతి         బంధురప్రమదసంపదఁ జెలంగ నగరాంతరమ్ము తద్గగనాంతరము రీతి         మనలసత్సంపదాకరము గాఁగ పౌరులం దాహవశూరులం దొకరీతి         పరధర్మదీక్షానుకరణ మెసఁగ

⁠

తే.⁠

కార్ముకములందు సత్సతీగణములందు నొక్కరీతిని సుగుణప్రయుక్తిఁ దనర ధర్మతనయుండు ప్రతిపురందరునిలీల రాజ్య మట నేలె నొకటఁ గొఱంతలేక.

⁠ 168

క.⁠

ఏలన్వలె నితఁడే భువి నేలన్వలె నితరధారుణీశ్వరు లనుచు న్మేలెన్నఁగఁ గురుమండల మేలె న్నగభిత్సమానహితభోగములన్.

⁠ 169

క.⁠

అందఱిలో మధ్యముఁడు పు రందరనందనుఁడు యదుపురందరకరుణా మందకటాక్షేక్షణరస మం దనురాగంబు డెందమందు నటింపన్.

⁠ 170

క.⁠

వేయాలకింపుమాటల వేయేల వచింప పాండవేయున కెనయే నాయజుడుం గాయజుఁడున్ వాయుజుఁడుం జతురరూపవరభుజబలిమిన్.

⁠ 171

చ.⁠

పదములు లేఁజిగుళ్లు నఖపంక్తులు తారలు జానుజంఘల భ్యుదయము, లూరువు ల్సొగసు లున్నతమౌ పిఱుఁదుల్ మనోహరా స్పదమగు బొజ్జ, దిద్దినకవాటముదీటు వెడందఱొమ్ము న వ్వొదవెడు తేఁటమోము చెలువొందఁగ భాసిలె మోహనాకృతిన్.

⁠ 172