పుట:TALANKA-NANDINI-PARINAYAMU.pdf/105

వికీసోర్స్ నుండి
ఈ పుట అచ్చుదిద్దబడ్డది

34

తాలాంకనందినీపరిణయము


సంగరాంగణసముత్తుంగవిహంగమ
        పుంగవాభంగతురంగముండు,
నక్షీణకరుణాకటాక్షవీక్షాదక్ష
        చక్షురంభోజవిలక్షణుండు


తే.

సర్వపూర్వామరాఖర్వదుర్వహోగ్ర
గర్వనిర్వాపణ మొనర్చి యుర్వి ధర్మ
నిర్వహణధూర్వహుండై జనించినాఁడు,
అఖిలకార్యచణుండు నారాయణుండు.

131


సీ.

పుట్టుపిన్నతనానఁ బూతనజనుఁబాలుఁ
        గొసరి బ్రాణములతోఁ గ్రుక్కఁగొనియె,
బసిగాపుతుటుము కుబ్బసమైన కార్చిచ్చు
        కసటుకారపుమందుగా గ్రహించె
సుడిగాలిరక్కసు మెడమేడమీద ను
        య్యాలజంపాలగా లాలిఁ దూఁగె
నిండుచల్లనిగాలితిండి కాళియునిపై
        దుడదుడవడి తప్పుటడుఁగు లిడియె


తే.

వింతగోవర్ధనాద్రిచే బంతులాడె
లాలితాశ్చర్యబాలలీలావినోద
మహిమహిమ నొప్పు నమ్మహామహుని సద్గు
ణములు వాఙ్మనసాగోచరములు భూప.

132


సీ.

తనపూర్వభాగ్యసంతానం బని దలంచి
        నిండుపండువుగ నందుండు జెలఁగ
దినదినాభివ్యక్తి గని ఘనుం డగుటకు
        మదిని యశోద సమ్ముదము బొదల
చారుజగన్మోహకారరూపము గాంచి
        వల్లవీయుల్లముల్ పల్లటిల్ల
దీప్రతీలామానుషప్రభావము గాంచి
        యఖిలలోకము విస్మయమున జెలఁగ