పుట:Sukavi-Manoranjanamu.pdf/96

వికీసోర్స్ నుండి
ఈ పుట అచ్చుదిద్దబడ్డది

ప్రథమాశ్వాసము

27

స్పర్శములు ఇరువదియైదు. అంతస్థశోష్మాణః = అంతస్థములు నాలుగు, దొడ్డ
ళకారమును హలః = వ్యంజనములు, చతు స్త్రింశత్ = ముప్పదినాలుగు, అచ్చులు
పదాఱు, హల్లులు ముప్పదినాలుగు, ఉభయములుగూడ నేబది వర్ణము లాయెను. 103

గీ.

అచ్చు లొక పదియాఱును వ్యంజనములు
పాండుపుత్రసహాయ! ముప్పదియుమూఁడు
దొడ్డ ళా యందులోపల దొరలనయ్యె
నమరభాషకు నేఁబది యక్షరములు (2–49)

104


సీ.

ఏళ నీళము దేవ హేళనంటు నటంచు
             యాజుషామ్నాయంబు నందు లేదొ
కాళ నాళ వ్యాళ గోళ హింతాళంబు
             లనుచు సంస్కృతభాష యందు లేదొ
గయ్యాళి త్రుళ్ళు నగళ్ళు వజ్రపు తళ్కు
             తాళికి నంచు నాంధ్రమున లేదొ
పాళం బెఱుంగని కూళ విరాళి పి
             సాళించు ననియు దేశ్యమున లేదొ
యాగమజ్ఞులు దొడ్డ బీజాక్షరంబు
లందు లేకున్కి సన్నంబు నదియుఁ గూడ
నొకటిగాఁ జేసి బీజోపయోగిఁ గాన
క్షాను జేకొని రది శబ్దసరణి గాదు (2-50)

105

      ఆగమజ్ఞులు పంచాశద్వర్ణంబులలో నున్న క్ష కారమును గూర్చుకొన్నం
దుకు మహావిద్యలోని శ్లోకంబులు.106

మూలాధారం గుదస్థానం, స్వాధిష్ఠానం తు మేహనమ్
నాభిస్తు మణిపూరాఖ్యం హృదయాజ్ఞ మనాహతం
తాలుమూలం విశుద్ధాఖ్య మాజ్ఞాఖ్యం నిటలాంబుజం
సహస్రారం బ్రహ్మరంధ్ర మిత్యాగమవిదో విదుః.

107