528
యుద్ధకాండము
హితబంధుజన పురో - హిత వీరభటులు
జతకట్టుగాఁగఁ గౌ - సల్యాదులైన
తల్లులు దాసీ వి - తానంబుఁ గొలువఁ
బల్లకీల నమర్చి - పౌఁజులు దీర్చి
యెదురేఁగవలయు నీ - విటులమరించి 11920
యుదయ వేళకు మన - యూరికిరమ్ము
జగతి నందిగ్రామ - సాకేత మధ్య
మగు మహాపథము చా - యగఁ జక్కఁ జేసి
కలయంగ కస్తూరి - కలయంపి చల్లి,
కొలఁది ముత్తెంపు మ్రు - గ్గులు దీర్పఁ జేసి
యమరింపు "మని పల్క - నతఁడట్ల వోయి
తమ యన్నయజ్ఞ యౌఁ - దలఁ దాల్చియపుడె
కైసేయఁబనిచి - బంగరు పల్లకీల
కౌసల్యను సుమిత్రఁ - గై కేయి నుంచి
నగరెల్ల నమరేంద్రు - నగరంబు రీతి 11930
మిగుల శృంగారింప - మితికట్టి మఱల
నందఱితోఁ గేక - యతనూజు సుతుని
ముందఱ నిల్చిన - ముదమంది యతఁడు
నుదయ వేళను నిజా - భ్యుదయంబుఁ గోరి
-: భరతుఁడు వారందఱితో శ్రీరాముని దర్శింప నేగుట :-
కదిసి వాయుఁజుఁడు చెం - గట రాఁగఁ గదలి
తానుఁ దమ్ముండు శ్వే - తచ్ఛత్రచామ
రానీకములతోడ - నర్చనల్ చేసి
రామపాదుకల శి - రంబు పై నుంచి
