466
శ్రీ రా మా య ణ ము
యాగమ విదుఁడ వ - నాగత కార్య
భాగ్య నిర్ణయ కుల - ప్రౌఢ చిత్తుఁడవు
ననుఁ బాసి యిట్టి మౌ - నంబుతో ధరణి
ననువుతో నాలింగ - నంబు సేయుదురె ?
ఏదియు దనకేల - యిపుడు వైధవ్య
ఖేదంబు తనకు నం - గీకృతంబయ్యెం
బోవు ప్రాణంబు లి - ప్పుడు శిఖా కళికఁ
బూవు దండలు చుట్టి - పూర్ణిమా చంద్రుఁ
దలపించు నీమోముఁ - దామర వాడ
యిల ధూళిమ్రింగ యే - నెట్లోర్చు దాన ! 10630
కస్తూరి కుంకుమా - గరువిలేపప్ర
శస్తమా నీదు వి - శాల వక్షంబు
రామాస్త్రమున విరి - రక్తప్రవాహ
భీమమై కనుపట్ట - బెదరుపుట్టెడును
ఏదుముండ్లును బోలి - యెడమీక నిండి
నీదు మేన నమోఘ - నిశితాస్త్రకోటి
నాఁటియున్నవి గాన - నాకు నొక్కింత
చోటెదపై వ్రాల - శోకించుటకును
నినుఁబాసి తానుండ - నీతియే ? కాన
తను దోడుకొని పొమ్ము - ధర్మంబుఁ దలఁచి 10640
యగ్ని సాక్షిగఁ బెండ్లి - యాడు నిల్లాలి
నగ్నుండవై విడ - నాడి పోఁదగునె? ”
అని తల్లడిల్లి సా - యంతన సమయ
వనదంబు పై వచ్చి - వ్రాలిన యట్లు
