462
శ్రీ రా మా య ణ ము
దేవి మండోదరి - దిగులుచేఁ బొగిలి
రావణు హాహా వి - రావయై కదిసి
“ప్రాణేశ ! నీదివ్య - బాణాసనంబు
బాణంబులును నేలఁ - బడియున్న విపుడు.
అనిమిషేంద్రాదుల - కైన దుర్జయుఁడ
వని నిన్నుఁ ద్రుంచునె - యకట ! మానవుఁడు
అన్యుల కాంతల - నాసించు తెచ్చు
నన్యాయ పరుల కి - య్యాపదల్ రావె' 10530
తనబుద్ధి వినకున్న - ధార్మికుఁ డగుట
మన విభీషణుఁడు నే - మమున నున్నాఁడు
మాతండ్రియుఁ బ్రహస్తు - మాల్య వంతులను
నీతోడ యాబుద్ధి - నీతి గాదనుచుఁ
జెప్పిన మాటలు - చెవిఁ జేర్పనవుడె
తప్పెను బ్రతుకు లీ - దనుజుల కెల్లఁ
గాదని మనకుంభ - కర్ణుండు నిన్ను
బోధించి వినకున్నఁ - బొలిసె రోషమున
నింద్రుఁడె తావచ్చి - యిలనిట్లు రామ
చంద్రుఁడై జనియించి - సమయింప నోపు 10540
నెక్కడి యమరేంద్రుఁ - డెదురించు నిన్ను
మొక్కపోయిన వాఁడు - మొన సేయఁగలఁడె?
అడవుల వెంబడి - నలమటలెల్లఁ
బడి ముని వృత్తిచేఁ - బడఁతిఁ గోల్పోయి
వచ్చిన రాముని - వాలంపగములఁ
జచ్చె రావణుఁ డన్న - సత్యమే యున్నఁ
