459
యుద్ధకాండము
బహుభోగభాగ్య సం - పన్నుండు సర్వ
సహుఁడు ధర్మాదిమ - సకలార్థములును
తనపాటుగా జప - తపములచేత
వనజగర్భుని చేతి - వరములుగాంచి
దానంబులను జగ - త్రయిఁ దనియించి
దానవాన్వయు లెల్ల - తనయంతలేసి
వారుగా నతులితై -శ్వర్యంబులొసఁగు
నీరావణుఁడు పూజ్యుఁ - డెవ్వారలకును 10460
శ్రీరామ ! మీయాజ్ఞ - చే దైత్యపతికి
పారలౌకిక విధుల్ - పాటించి తీర్తు”
అన విని యారావ - ణానుజుఁ జూచి
యినవంశతిలకంబు - నిట్లనె మఱియు
“ఇతఁ డెంతయును పూజ్యుఁ - డెల్లవారలకు
నితఁడన నీకొక్క - నికె యన్న గాదు
మాయన్న యీతండు - మరణపర్యంత
మీయన్నతో వైర - మింతియెకాని
యామీఁద నిఁక నేల - యాగమోక్తముగ
నామాఱుగాఁ గ్రియ - నడిపింపు ” మనిన 10470
నా వేళ రావణు - సంతఃపురమున
-: రావణుని మృతికి రాణివాస స్త్రీలు శోకించుట :-
దేవేరు లదివిని - దీన భావముల
వగలతో నుత్తర - ద్వారంబు వెడలి
మొగము నౌఁదల లుర - మ్ములు మోదుకొనుచు
నెదలపై సన్న బ - య్యెదలదల్ జాఱఁ
