424
శ్రీ రా మా య ణ ము
తలఁచిన యంత మా-త్రనె వృషభాద్రిఁ
జులకఁగా నిలిచి యా -క్షోణీ ధరమున
దక్షిణ శిఖర కాం - తారంబు లెల్ల
వీక్షించి కానక - వెదక లేననుచు
నాకొండతల నాఁటి - యట్ల పెకల్చి
గైకొని లక్మణా -గ్రస్థలి డింప
-. హనుమంతుఁడు తెచ్చిన యౌషధముచే, సుషేణుఁడు లక్ష్మణునిఁ దెప్పిఱిల్లఁ జేయుట :-
తెచ్చి సుషేణుఁడా - దివ్యౌషధంబు
పచ్చని పసరిలం - బడియున్న యట్టి
సౌమిత్రి నాస న - స్యము సేయ నతఁడు
రాముని యెదుర ని - ద్రఁ దొరంగి నట్లు 9670
దిగ్గన లేచిన - దీనత మాని
డగ్గరి యురము నిం - డఁగఁ గౌగలించి
తామప్పుడు జనించు - తలఁపులో నలరి
సౌమిత్రితో రామ - చంద్రుఁ డిట్లనియె.
-: లక్ష్మణునిఁజూచి శ్రీ రాముఁడానందము నొందుట :-
బ్రతికితి విపుడేను - బ్రతికితి మనల
బ్రతుకఁ జేరినవారు - బ్రతికి రందఱును.
ఇపుడు క్రమ్మఱఁ గల్గె - యినవంశ మెల్ల
కపుల పాటెంతయిఁ - గడతేఱె నేఁడు
జనకజ పుణ్యవా - సన నుతికెక్కె
తనకుఁ గ్రమ్మఱ నయో - ధ్యకుఁ జేరఁగలిగెఁ 9680
