405
యుద్ధకాండము
విపరీతవృష్టిఁ బ - ర్వించి నొప్పించి
పొగరుతో జగడింప - భూరి బాణములు
నిగుడించి కోలకు - నేలకుం దెచ్చి 9230
పగఁదీఱ వింశతి - బాహుండు మిగుల
నొగులంగఁ గపులఁ బీ - నుఁగు పెంట సేయ
నెదిరింపఁ దలచూప - నెవ్వండు లేక
పదరుకొన్నట్ల ద - బ్బరవచ్చె ననుచు
వానరావళి నాల్గు - వంకలు విఱిగి
భానుజాదులు మీఱి - పఱచినఁ దఱమి
పచరించి రాముని - పయిఁ దేరు దోలి
యచలుఁడై వచ్చు ద - శాననుఁ జూచి
వానరస్వామి ది - వాకర సుతుఁడు 9240
సేనల నడుమ సు - షేణుని నిల్పి
పురికొల్పి తానొక్క- - భూమీరుహంబు
గురురక్తి బెకలించు - కొని కేలఁ బూని
వనదముల్ విరియించు - వాయువురీతి
దనుజులను మర్దించి - తరిమినఁ జూచి
-: విరూపాక్షుడు సుగ్రీవునిచే హతుఁడగుట :--
రూక్షేక్షణుండు వి - రూపాక్షుడనెడి
రాక్షసుఁడొక్క - వా - రణముపై నెక్కి
సుగ్రీవుమీదటఁ - జొచ్చిన భీమ
విగ్రహుఁడై చేతి - వృక్షంబు చేత
విసిరిన కరిఁదాకి - వింటి పెట్టునకు
బిసదప్పి రివ్వున - పిఱిఁదికి నెగిరి 9250
