402
శ్రీ రా మా య ణ ము
బ్రదుక నీఁడన నొక్క - పడఁతిచే వాఁడు
మొదలుగా లంక ని - ర్మూలమౌ ననిరి 9160
వారు చెప్పిన యట్టి - వనిత యీ సీత
కారణం బెఱిఁగియుఁ - గానకున్నాడు
మనలేఁడు పద్మజు - మఱుఁగుఁ జొచ్చినను
గనలేఁడు కామాంధ - కారంబు చేత
హరుఁడో విరించి యో - యమరనాయకుఁడో
ధరణిజారమణుఁడీ - తరములో నొకఁడు
కావున దిక్కు లే - క చెడంగ నేల ?
కావవే యనుచు రా - ఘవు పదంబులకు
శరణందమా దవ - జ్వాలలఁ దగిలి
కరిణీ సమూహంబుఁ - గలఁగిన యట్లు 9170
సమయ నేల”నుచు రా -క్షసభామలెల్ల
తమలోనఁదాము సం - తాపించుచుండ
-: రావణుఁడారోదన ధ్వని విని మహోదర మహా పార్శ్వులతో యుద్ధమునకు బయలు దేరుట :-
ఆరావమపుడు ద -శానను చెవుల
నారాచధారలై - నాఁటిన నలిగి
తన హితులను మహో - దర మహాపార్శ్వు
లను వారిఁ బిలిచి "మీ - రాహవంబునకు
నడచి రాముని లక్ష్మ - ణ విభీషణులను
హరివరుఁడాదిగా - నగచరావళినిఁ
జంపుఁడే వచ్చెద - సమరంబులోన
ముంపుదు నాశరం - బుల విరోధులను 9180
