పుట:Sri Ramayanamu Yuddakanda Katta Varadaraju 1953 616 P 2030020024696.pdf/427

వికీసోర్స్ నుండి
ఈ పుట ఆమోదించబడ్డది

360

శ్రీ రా మా య ణ ము

కార్చిచ్చు గతి నల్గి - గద్దించి వ్రేసి
యార్చిన సారథి యా – దైత్యు రథము
నెడఁగల్గఁ దొలఁగించి - యెల్ల దానవులు
మడిసి పోవఁగఁ గొండ - మహిమీఁదఁ బడియె.
కడమవానరుల న - ల్గడల రాక్షసులఁ
బడలు వడంగ దో - ర్బలముఁ జూపుటయు
విఱిగిన తనవారి - వెఱవకుండనుచు
నరదంబు మఱలించి - యమరేంద్రవైరి
గరి గరిఁ గరవంక - గరుడిమై గరుల
గరుల నారాచముల్ - గరుసు మీఱంగ 8180
నేసి బోరలు చించి - యెమ్ములు విఱిచి
దూసిపోవ నిగుడ్చి - తోఁకలు ద్రుంచి
తలలు ఖండించి గా - త్రమ్ములు దునిమి
సెలకట్టనీక నొం - చిన వాయుసుతుఁడు
తనవారిఁ బిలిచి "యా - దానవుచేత
మనకేల యెదురించి - మహిమీఁద వ్రాల ?
కతదీఱె వీఁడు రా - ఘవు దేవిఁ జంపె
నితని గెల్చిన మన - కేమి గల్గెడును
పోరాట మిక నేల - పోయి యిత్తెఱఁగు
శ్రీరామునకుఁ దెల్పి - చెప్పినయట్లు 8190
మఱి చూతమిప్పుడు - మడిసిపోనేల ?
తిరుగుఁ" డంచును తాను - తీసిపోవుటయుఁ
బవనజు కరుణచే - బ్రతికితి మనుచుఁ
దవిలి వెంబడి రాల - దానవు లేయఁ
బరువిడి దాఁటుచుఁ - బ్లవగులందఱును