312
శ్రీ రా మా య ణ ము
ద్వివిదాది వానరుల్ - వృక్షముల్ గిరులు
సవరించి యెదురించి - జగడించునపుడు
వారేయు నవియెల్ల - వమ్ముగా నమ్ము
లాఱు నేడును - నాల్గు నైదును దొడ్గి
తునియలు చేసి కోఁ- తుల నెల్ల భయద
సునిశితాస్త్రముల నే - ర్చుటయు భీతిల్లి 7060
యందఱు బరువెత్త - నసురేంద్రసుతుఁడు
మందహాసంబుతో - మర్కటావళినిఁ
గనుఁగొని కరుణ చేఁ - గాచి కోదండ
ధరుఁడైన యట్టి సీ - తాకాంతుఁ జేరి
భల్లంబుచే నేర్చి - పట్టి యెక్కిడిన
యల్లె మీటుచు నప్పు - డతికాయుఁ డనియె.
"రామ ! దుర్బలుల వీ - రలనుసంగ్రామ
భూమిలో గెల్చి యే - పోటరి ననుచు
నెంచి నన్నటుల జయిం - చెద ననుచు
నుంచకు మాపని - యుల్లంబులోన 7070
ఖరునిదూషణుఁ గుంభ - కర్ణు విరాధుఁ
బొరిగొన్న నీదు తూ - పులు నాదుమీద
నిగిడింపు మటమీఁద - నీవే చూచెదవు
జగడంబులో మద - స్త్రకళా నిరూఢి
ఏసెదవోకాక- యే నేయఁ జూచి
యేసెదవో డెంద - మెఱిఁగింపు"మనిన
నామాట యందుక - యాడితి వనుచు
సౌమిత్రి యసు రేంద్ర - శాబకుఁ బలికె.
