284
శ్రీ రా మా య ణ ము
గనుఁగొని యా కుంభ - కర్ణు డిట్లనియె,
"ఇంత నేమిటికి నీ - వె త్తినకొండ
యెంత నీవెంత న - న్నెదిరి పల్కుటకు 6410
రానేరవే ఋక్ష - రజునకుఁ బుట్టి
దాననే బంట్రౌతు - ధర్మంబు నిలిచె
వచ్చినవాఁడ వె - వ్వరికినై మోచె
దిచ్చోట బలుగొండ - యేయు మీవనిన
సుగ్రీవుఁడపుడు వై - చుటయు విభీష
ణాగ్రజు నురము పై - నది బలుగొండ
గుప్పున దాఁకి ను - గ్గులుగాఁగ రాలె
నప్పుడు వనచరు - లడలుచు నుండ.
ఔరౌర ! యని మెచ్చి - రమరులు మింటఁ
జేరి రాక్షసులు భూ - షించిరి చూచి 6420
శైలంబు చూర్ణమై - జగతి రాలుటయు,
శూలంబుఁ జేనమ - ర్చుక దైత్యవరుఁడు
వ్రేసిన నది రుమా - విభునిపై రాఁగ
నాసమీరకుమారుఁ - డడ్డంబు దూరి
తాట బాణమురీతిఁ - దనకేలఁబట్టి
గాటంబుగాఁగ మోఁ - కాటిపైఁ జేర్చి
వట్టుక యొకవేయు - భారువులెత్తు
గట్టియుక్కుఁ గరంచి - కావించినట్టి
యాశూల మిరువాగు - లై విఱుగంగ
నాశవైఖరి ద్రుంచి - యంజనాసుతుఁడు 6430
కడుబాఱవైచినఁ - గపులెల్లఁ జూచి
కడుమెచ్చి రతని లా - ఘవసత్త్వములకు.
