282
శ్రీ రా మా య ణ ము
పొలిచిన రీతిని - భుజగుల నెల్లఁ
బొలియించు గరుడుని - పోలిక నలిగి
యందఱ బట్టుక - యందంద మ్రింగి
మందరాచలదరీ - మార్గంబునందు
వెడలి చీమలు వచ్చు - విధమున చెవులు
వెడలువారును వాత - వెడలు వారలును
ముకుచఱమల రంధ్ర - ముల వచ్చువారు
నొకరైన నిలువకి - ట్లురుశ క్తి వెడలి 6370
కన్నద్రోవలు వట్టి - కపులు శ్రీ రాము
వెన్నాస గొని 'కావ - వే! తండ్రి !' యనుచు
నభయులై నిల్చిన - నంత కాలమునఁ
బ్రభవించు నత్యుగ్ర - పావకుండనఁగఁ
బ్రాణికోటులను వెం - పరలాడు శరధి
తూణీరుఁ డనఁగ జం - తుశ్రేణిమీఁదఁ
దెగివచ్చు శమనుని - తీఱున శూల
మెగుర వేయుచుఁ దన - కెదురెందులేక
యెదురుగావచ్చు దై - త్యేంద్రునిఁ జూచి
-:అంగదుఁడు కుంభకర్ణునితోఁబోరి మూర్చిల్లుట :-
కదిసి పరాక్రమాం - గదుఁడంగదుండు 6380
కొండఁ గైకొని కనుఁ - గొండని కపుల
మండాడి యసురేంద్రు - మౌళిపై వ్రేయ
నావేటు వడియు మ - హాబలశాలి
చావక నోవక - సరకుగాఁగొనక
శూలంబు జేత నా - ర్చుచు మీఁద నేయ
