పుట:Sri Ramayanamu Yuddakanda Katta Varadaraju 1953 616 P 2030020024696.pdf/335

వికీసోర్స్ నుండి
ఈ పుట ఆమోదించబడ్డది

దనకు లేనట్టి చం - దమునఁ బ్రల్లదము
లనుచుండు చేతగా - నట్టి దుర్మదుఁడు
సేయు నాత్మశ్లాఘ - చెడనాడుచుండు
దాయల నధమ వ - ర్తన మించువాఁడు
హితుఁడ గావున వెన్క - నిట్లన మీకు
హితమైన కార్యంబు - లెఁఱిగించువారు
లేరని యెంచి మే - లిమికిఁ గీడునకుఁ
బోరానియట్టి తోఁ - బుట్టువు గాన
నొకమాట వలికితి - నుల్లంబునందు
నిఁకమిఁద మఱచి బో - మ్మీనంట లేదు 6040
విను మొక్కటి నిశాట - వీరాగ్రగణ్య !
యనికేఁగు శ్రీరాము - నగచరావళినిఁ
జంపి తదీయ మాం - సముల రక్తముల
సంపూర్ణకామత - జఠరాగ్ని యార్తు
నీమదిలోనున్న - నెగులెల్లఁ దీర్తు
సేమ మందుము నన్ను - సెలవిచ్చి పంచి
యనిలోన నడచు వృ - త్తాంత మంతయును
వినకమానరు గదా - వేగుల వలనఁ
జూడు మంతయు"నని - చులకఁగా దలఁచి
యాడు మహోదరు - నదలించి పలికె. 6050
"దొరకు నిచ్చకముగాఁ - దొడిఁబడ నన్ను
నెఱిఁగియు నెఱుఁగక - యిట్టులాడితివి.
మొదటఁ జుట్టమవౌట - ముదిమదిఁదప్పి
యెదురవారలఁ జూడ - కేమి వల్కినను
యెంత లేదనియుంటి - యీరావణునకు