250
శ్రీ రా మా య ణ ము
కొలువులో రాజుమా - కునుఁ దెల్పెగాన
గలిగెను విపరీత - కార్యముల్ దాన 5610
నేమిచెప్పెద”నన్న - యెడ కుంభకర్ణుఁ
డామాటలోనె యూ - పాక్షుతోఁ బలికె.
"పోయినయపుడె పం - పును రాక్షుసేంద్రుఁ
డాయన్న తోడ మా - ఱాడంగ రాదు.
ఎపుడైననేమి నే - నేఁగి రాఘవునిఁ
గపులనుఁ జంపి ర - క్తంబులు గ్రోలి
మఱికాని రానిట్టి - మాటలు వినియు
దొరమోము పోయి చూ - తునె చేతనయ్యు ?
పగదీర్చి మఱికాని - పట్టణంబునకు
మగుడ నొల్ల” నటన్న - మాటలాలించి 5620
కోపమెంతయు దెచ్చు - కొని మహోదరుఁడు
యూపాక్షు దలమని - యోడక పలికె.
"అదియేఁటిమాట ? మీ యన్నడెందంబు
పదను చూచుకకాని - పదరంగఁ దగునె ?
ఇంత కొంచెపు పని - యే నీవువోయి
పంతమాడినయట్ల - పగఁదీర్చి మఱల ?
చెప్పిన కార్యంబుఁ - జేసిన మనకుఁ
దప్పులే దామీఁద - దైవయత్నంబు
పదరకు కాగల - పనులేల తప్పు ?
తుదిగన్న కార్యంబె - తోచెను మీకుఁ 5630
బిలువనంపినఁ బోయి - పిలిపించినట్టి
తలఁపువెంబడిఁ జేయఁ - దగు” నంచుఁ బలుకఁ
జారులఁ బిలిచి " యీ - క్షణమునఁ బోయి
