181
యు ద్ధ కాం డ ము
నిపుడు మజ్జనకుఁడ - య్యిన కులోత్తమునిఁ
బడ నేసితిని తండ్రి - పగఁ దీర్చనట్టి
కొడు కేల యని నిరం - కుశ విక్రమమున
నీరాజులనుఁగాంచి - యేనేయునాగ
ఘోర పాశములూడ్వఁ - గుంభినిమీఁద 4030
నజహరాదులకైన - నలవియే సమర
విజయంబు గైకొని - విమత శౌర్యంబు
శరదంబు దంబుల - చాయ వ్యర్థముగఁ
బరిభవించితి తండ్రి - పాలికేఁగెదను.
ఎచ్చరించెద వీరి - నిపుడని వాఁడి
చిచ్చఱమ్ములు గొన్ని - శింజినిఁ గూర్చి
శరభు నేనిట నాఱు - శరముల రిషభు
హరుఁ దొమ్మిదింట గ - వాక్షుని మూఁట
వాలిసూనుని జంబ - వంతు నాఱింట
గాలిపట్టిఁబదింట - గవయు నేడింట 4040
గంధమాదను రెంట - గజుని పదింట
మైందు మూఁటను తారు - మార్గణత్రయిని
రవిసూను నేడింట - రావణానుజుని
గవతూపులను నీలుఁ - గాండాష్టకమున
నలునాఱిటను జిక్కి - న ప్లవంగ వరుల
వలుద తూపుల నేల - వ్రాలంగ నేసి
యురవడించిన దైత్యు - లోహో ! విలాస
భరితులై యసురేంద్రు - పట్టినిఁ బొగడఁ
గ్రమ్మరి తాను లం - కాపురంబునకుఁ
దుమ్ముగా నింద్రజి - త్తుఁడు ప్రవేశించె.4050
