176
శ్రీ రా మా య ణ ము
ధారణిఁ బడవైచి - తనవారిఁ గాచె
నంతట వానరు - లంత కాకృతులు
పంతంబుతో దైత్య - బలములం దఱుమ 3910
దనుజయోధులెదిర్చి - తలపడిపోరఁ
బెను గయ్యమపుడయ్యె - బెగడె లోకములు
చెట్టులుం గట్టులు - చేతులం బూని
పట్టినట్లనె కపి - ప్రముఖులు మ్రగ్గఁ
గరములం బట్టిన - కరవాల ముసల
పరిఘాదులను దైత్య - బలమెల్ల జదియఁ
బడుగుఁ బేకయునుగా! - బడి యిరువాగు
మడియునప్పుడు మహీ - మండలంబొప్పె
ఆశ్రిత పూజాస - మర్పిత ప్రసవ
మిశ్రయౌవాహిని - మించినమాడ్కి 3920
నత్తరి రామసా - యక పరంపరలు
చిత్తజల్లుగ ముంప - చెదరి రాక్షసులు
తెమలఁ బారినచో నె - దిర్చి దర్పమున
యమశత్రుఁడనఁగ మ - హాపార్శ్వుఁ డనఁగ
సారణవజ్రదం - ష్ట్ర శుక ప్రమాధి
దారుణభుజ మహో - దర మహాకాయ
యూపాక్షులనఁగ న - త్యుద్ధతి రణీత
చాపులై తూపులు - సంధించి మించి
కపులఁ ద్రోలుచును రా - ఘవుఁడేఁడి వెండి
యిపుడే చంపుదమని - యెదిరించి రాఁగ 3930
ఘనదివ్య బాణలా - ఘవుఁడు రాఘవుఁడు
కనుగొన విలుగుణ - క్వణనంబుఁ జేసి
