పుట:Sri Ramayanamu Yuddakanda Katta Varadaraju 1953 616 P 2030020024696.pdf/206

వికీసోర్స్ నుండి
ఈ పుట ఆమోదించబడ్డది

139

యు ద్ధ కాం డ ము

గలయించి తన్ను రా - ఘవుఁ గూర్చి తేని
ననుగమనము సేయు - నపుడు దీవింతు
నిను చిరంజీవివై - నెగులొందకుండ
అనునంత లోనఁ "బ్ర - హ స్తుఁడు వంపె

-: ఇంతలోనొక దూత రావణుని సత్వరముగా రమ్మనుట :-

నినుఁ దోడి తెమ్మని - నిలువరాదిచటఁ
బురములో నుత్పాత - ములు చాలఁదోఁచె 3080
పెరిగెఁ గార్యము మిమ్ముఁ - బిలువు మటన్న
వచ్చితి” నను దూత - వచన సంగతికి
రిచ్చలువడి వాఁడు - రివ్వలు విఱిగి

-: రావణుఁడు వెడలినతోడనే శ్రీరాముని శిరమునాతనితో వెడలిపోవుట - దానిచే సీతమనస్సు శాంతిఁబొందుట :-

దిగులు చే నేమియుఁ – దెలియక మఱలి
మొగము వాడఁగ మంత్రి - ముఖ్యులున్నట్టి
సావడి చేరి ని - చ్చట తోడమీఁది
రావణు కృత్రిమ - రాము శిరంబు
విలునమ్ములు వాని - వెంటనే పోవ
నుల్లంబులో సీత - యుపతాపముడిగి
యూరటఁ గైకొని - యుండె. రావణుఁడు 3090
శూరు నాప్తునిఁ బ్రహ - స్తుని జేరఁ బిలిచి
“మనము మూకలఁ గూర్చి - మర్కట శ్రేణి
దునిమింత మిపుడు వీ - థులఁ జాటఁ బనిచి
పిలిపింపు” మనరణ - భేరి వేయించి