పుట:Sri Ramayanamu Yuddakanda Katta Varadaraju 1953 616 P 2030020024696.pdf/155

వికీసోర్స్ నుండి
ఈ పుట ఆమోదించబడ్డది

88

శ్రీ రా మా య ణ ము

తన యిచ్చ నాడిన - దండింపఁ దగవు
రక్షింపవే యన్న - రఘువీరుఁ "డేల
పక్షిమాత్రుని నింత - బాధింప మీకు
విడిచి తోలుఁ " డటన్న - విడిచిన వాఁడు
జడిసి పాఱక మింటి - చక్కటి నిలిచి
"ఏమంటి సుగ్రీవ ! - యేను రావణుని
"కేమందు నీచిత్త - మెఱిఁగింపు ” మనిన


-: సుగ్రీవుఁడు రావణునికిఁ జెప్పుమన్న మాటలు :--

"తానేడ చుట్టము - తనకును మాకు 1900
నేనాఁటి సంబంధ - మెవ్వఁడు తాను
రామచంద్రునకు శా - త్రవుఁడైన యపుడె
స్వామిహితార్థినై - చంపకమాన.
తప్పదు మేమన్న - దమ్ముల మగుట
నొప్పితి వాలితో - నుద్ది చేసితిని
యతని జంపించిన - యట్లన రాము
శితసాయకములచే - క్షితి గూలఁ జేతు
నినమండలమునకు - నేఁగిన నాక
మునకుఁ బోయిన దిశా - ముఖములఁ జనిన
బాతాళమునఁ జొరఁ - బాఱిన పంక 2000
జాతకపర్దుల - చాటు చొచ్చినను
జలధిలో డాఁగిన - చననీక పట్టి
చలము మానక రాక్ష - సశ్రేణితోడఁ
దన లంకతోనె పు - త్రకళత్రముగను
దునిమింతు పోవని - త్తు నె” యంచు ననుము