ఈ పుట ఆమోదించబడ్డది
డనువాఁడు సమదగ - జాయుత బలుఁడు.
అతనితో నెదురించి - యనిలోనఁ బోర
గతకాలమునను నె - క్కడ నేనెఱుంగ
నారావణుని మంత్రి - యగు ప్రహస్తుండు
శూరుఁడు కార్యద - క్షుడు జయశాలి 1840
బవరంబులో మాని - భద్రుని నోర్చి
దివిజులకును గుండె - దిగులైనవాఁడు
అగణితబద్ధ గో - ధాంగుళిత్రాణుఁ
డగుచు పావకదత్త - మగు రథంబెక్కి
మాయావియై మేఘ - మాలికాచ్ఛన్న
కాయుఁడై చేత సిం - గాణి ధరించి
పిడుగులవంటి కు - ప్పెల యంపవాన
జడిగాఁగ గురియుచు - సమరరంగముల
వైరుల మిత్తి రా - వణ సుతుఁడొప్పు
శ్రీరామ ! వాఁ డింద్ర - జి త్తనుపేర 1850
భండనంబుల నకం - పనుఁడు మహాద
రుండు సారణుఁడు ధూ - మ్రుడు నరాంతకుఁడు
శుకమహాపార్శ్వులు - శూరతచేత
నొకరినైన గణింప - రొక్కరొక్కరుఁడు
ప్రళయాగ్నిసములు ది - క్పాలకనిభులు
కలవారు వారు రా - క్షసనాయకునకు
నాలంకలో దాన - వావళితోడ
నాలంబులోన నిం - ద్రాదుల గెలిచి
