పుట:Sri Ramayanamu Yuddakanda Katta Varadaraju 1953 616 P 2030020024696.pdf/146

 
విభీషణుఁడు శ్రీరాముని సందర్శించుట :-

సంధింపఁ జేయ వి- శ్వాసవిధాను
సరిధానమున రామ - చంద్రుని చరణ
నాళీకములపై ప్ర - ణామంబుఁ జేసి
లేలెమ్మనుచును వా - లిసుతుండు వలుక
తన ప్రధానులతోడఁ - దా లేచి ఫాల
మునఁ గరాంబుజములు - ముకుళించి పలికె 1800

-: విభీషణుఁడు తనవృత్తాంతమునంతయు శ్రీరామునికి
నివేదించి శరణాగతుఁడగుట :-

"దేవ ! లంకాపురా - ధీశుఁడైనట్టి
రావణుతమ్ముఁడ - రాక్షసాన్వయుఁడ
పేరుకొందురు నన్ వి - భీషణుఁడనుచు
శ్రీరామ ! నమ్మి వ - చ్చితి నిన్ను నిటకు
మాయన్నచే తన - మనసు రాకున్న
దాయవు పొమ్మని - తనకొల్వులోన
నాడరానట్టివి - యాడి నీమోము
చూడరాదనిన నేఁ - జూడరాదనుచు
నాతని నెడవాసి - యాశ్రితపారి
జాతంబు మాదృశ - జనతాశరణ్యు 1810
జననుతు గారుణ్య - శరథిదాశరథి
నిను నమ్మి వచ్చితి - నీవాఁడ ననుచుఁ
గలిగిన సకలభో - గములు లంకయును
కలవారి నింతులఁ - గన్న బిడ్డలును