పుట:Sri Ramayanamu Yuddakanda Katta Varadaraju 1953 616 P 2030020024696.pdf/123

యిట్టి యాలోచన - యిట నిన్నుఁ గూర్చి
నట్టి యా రావణు - నను దింతెకాని 1270
నిన్ను నెన్నఁగ నేల ? - నీవంటి తనయుఁ
డున్న రావణుఁ డేల - యోడు రామునకు ?
యమదండమట్లు కా - లాగ్నియుఁ బోలి
యమరేంద్రు వజ్రాయు - ధాకృతి నీకుఁ
దప్పించు కొనరాదు - దశరథరాము
కుప్పెకోలను రొమ్ము - గోరాడు గాని !
సీతను బట్టి తె - చ్చిన యట్ల మఱల
చేతికిచ్చిన నేల - చేకొను నతఁడు ?
పల్లకి నుంచి వెం - బడి దశాననుని
పల్లవాధరలెల్లఁ - బాటించి కొలువ 1280
సకలాంగ దివ్యభూ - షణవతిఁ జేసి
యొకఁడు నీరావణుఁ - డొదుగుచు వోయి
రాముని చరణ సా - రసముల వ్రాలి
'స్వామి ! నాద్రోహంబు - సై రింపు'మనుచు
విన్నవించిన యట్టి - వెనుక నీసీతఁ
గన్నులఁ జూచినఁ - గరుణించు మనల
నింతియె కాని యొం - డే యుపాయములు
చింతించి యితని ర - క్షింప దుర్లభము !
మనమెల్లఁ గలిగియు - మదిమది నుండి
చెనఁటియై చెడ నుపే - క్షింప ధర్మంబె ? 1290
కొడుకవే ! నీచేతఁ - గులమెల్ల నిపుడె
చెడనున్నదీతనిఁ - జెప్ప నేమిటికి ?