52
శ్రీ రా మా య ణ ము
నప్పుడే రఘుపతి - ప్రాణముల్ విడుచు!
చెప్పకయున్నచోఁ - జెందు ద్రోహంబు!
తప్పెఁ గార్యము ప్రయ - త్నము వ్యర్థమయ్యె!
అట్టి రామునిమాట - యాలించి కైక
పట్టి సౌమిత్రులు - బ్రదుకమి నిజము!
వారల తల్లులు - వారితోవారు
వారికి మునుపుగా - వాలినందనుఁడు 1220
భానుతనూజుఁడు - బ్రదుకరు దాన
వానరులకు నెల్ల - వచ్చును హాని
ననువంటి వానర - నాథులందఱును
వెనుక మ్రాఁకుల నురి - వెట్టుకయైన
బుడిబుడి తమశిరం - బులు రాలతోడఁ
బొడుచుకయైన ను - ప్పొంగువారధిని
నందఱుఁ బడియైన - ప్రాణముల్ వాతు
రిందఱి హానికి - నేనె కారణము!
కావున నేల య - క్కడి కేను బోదు?
దావాగ్నిఁబడి మేను - దరికొల్పుటొకటి 1230
కడలిలోపలి మహా - గ్రాహసంతతికిఁ
గడివోని మేను మ్రిం - గఁగ నిచ్చుటొకటి
పందనై ప్రాణాశఁ - బాల్మాలియున్న
కందమూలాదులు - గైకొని యిచట
మునివృత్తితోడరా - ముని దలఁపుచును
వనములఁ జరియించు - వాఁడనై యొకటి
గాని వేరొక జాడ - గాననే" ననుచు
