పుట:Sri Ramayanamu Sundara Kanda Katta Varadaraju 1952 251 P 2030020024835.pdf/65

వికీసోర్స్ నుండి
ఈ పుట ఆమోదించబడ్డది

వేళంబ యందందు - వెదకుచు నతివి
విశాలాయతన చంద్ర - శాలాంతరముల
రాజితంబులును బు - రందర ప్రముఖ
పూజితంబులును సం - పూర్ణ వస్తువుల
నూర్జితంబులును ది - వ్యోపధావిధస
మార్జితంబులును మా - యాసుర శిల్పి
నిర్మితంబులును మా - ణిక్య ప్రకాశ
నర్మితంబులును రా - వణ భుజాశౌర్య 810
పాలితంబులును న - పార విభూతి
లాలితంబులును నీ - ల మణి ప్రవృద్ధ
నీలిమంబులును గం - ధిల ధూపధూమ
కాళిమంబులు రం - గన్మాలికాంత
రామణీయకములు - రత్నవితర్ది
కామనీయకములుఁ - గాంచనకుడ్య
భాగంబులును దైత్య - భామాహితాను
రాగంబులును నైన - రాక్షస విభుని
సడిసన్న రాణివా - సముల వాసములు
పుడమిపట్టిని జూచుఁ - బూనికఁజూచి 820

--: హనుమంతుఁడు రావణుని రాణివాసమందిరములో సీతను వెదకుట - రాణివాసస్త్రీ వర్ణనము :--

కైలాసమో యిది - కనకాచలంబొ
భూలోకమునవ్రాలు - పురహూతపురమొ
యన మబ్బున మెఱుంగు - లమరిన రీతి
తనఁమీద దేవతా - తరుణులు వెలుఁగ