పుట:Sri Ramayanamu Sundara Kanda Katta Varadaraju 1952 251 P 2030020024835.pdf/50

వికీసోర్స్ నుండి
ఈ పుట ఆమోదించబడ్డది

      నిజమయ్యె 'నీలంక - నీవు రక్షింప
      వానరుఁ డొక్కండు - వచ్చి నీపురము
      పూని తాఁబిడికిట - పోటుచేఁ బొడిచి
      గెలుచు నెన్నఁడు నాఁటి - కీలంక చెడును
      తలఁచుకొమ్మని' పల్కె - తనుగెల్చితీవు 440
      జయముఁ గైకొనిరమ్ము - చనుమన్నదానిఁ
      జెయికాచి మన్ననఁ - జేసి యాలంక
      దీవెనలంది యా - దిత్యులు బొగడ
      పావని లంకలో - పలఁ బ్రవేశించె.

-: హనుమంతుడు లంకలోని విశేషములను జూచుచు సీతను వెదకుట :-

      ఆలంబుగాఁగఁ దా - నాలంబుగెలిచి
      సాలంబు వాకిట - చాయగాఁ జనక
      చాయగా లంఘించి - సామీరి మీఱి
      దాయమస్తకముపైఁ - దానిల్చి నటులఁ
      దన వామచరణప - ద్మము మున్నుగాఁగ
      దనుజనాయకురాజ - ధానిలోఁజొచ్చి 450
      చుట్టు కొల్లారముల్ - సోరనగండ్లు
      తొట్టి కట్టులు సర్వ - తోభద్రకములు
      స్వస్తికాగారముల్ - చతురంగకములు
      హస్తి శాలలు మంద - రావాసములును
      కలధౌతసౌధరే - ఖలు సుధాధౌత
      కలధౌతమణిమయా - గారముల్ గనుచు
      నందందు మంద్రమ - ధ్యమతారకములఁ