5
సుందర కాండము
నందును లేదేని - యా దశాననుని
ముందల పట్టుక - మును కాలఁదన్ని
యీడుచుకొనితెచ్చి - యిపుడె నిల్పుదును!
పాడుసేయుదు వాని - పట్టణం బెల్ల"
ననుచు రివ్వున నుర - గారాతి కరణి
వినువీథి కెగసి యా - వీరాగ్రయాయి 90
పోవుచో వెంటనే - భూరుహశ్రేణి
యీవలావలఁ బోక - యెగిసి మింటికిని
పోరాని చుట్టంబు - పోవుచోఁ గొంత
దూరంబు వచ్చు బం - ధువులను బోలి
విహగస్వనములతో - వెనువెంట వచ్చి
రహి మాని నీరాక - రంబులోఁ బడియె!
నడుగు వెట్టిన పట్ల - నవనీధరంబు
పిడుగు కొట్టినయట్ల - పెళపెళ విఱియఁ
గేలుమోపిన పట్ల - గిరిశిఖరంబు
కీలువాపినయట్లు - క్షితిమీఁద డొల్లఁ 100
బోవుచో దివి మెఱు - పులతోడి మబ్బు
కైవడి నాత్మీయ - గాత్రసంజనిత
పవనాప హృతతరు - ప్రసవముల్ మేన
రవణంబుగా నవి - రాలిచి దాన
నల వారినిధికి పు - ష్పాంజలి చేసి
యలరించి పొడవుగా - హస్తంబులెత్తి
పంచాననాహులు - పజ్జలవచ్చు
సంచునన్ గరభుజా- స్తంభముల్మెఱయఁ
