4
శ్రీ రామాయణము
ఇది యేమి యుత్పాత - మిపుడని యచట
మెదలక దేవతా - మిథునముల్ చనియె;
ఆవనాంతమున వి - ద్యాధరావళులు
పానభూములు డించి - పాయసంబులును
నాసవమాంస శ - రాస ఖడ్గములు
వేసినచోఁ బడ - వేసి బిట్టులికి
వ్యోమయానములపై - నుడు వీథికెగసి
యామట పొడవున - నట నిల్చిచూచి 70
'యదిరయ్య!' యీకొండ - నడగఁగఁ బొక్కె
నిదియొక్క పెనుభూత - మిపుడంచుఁ బాఱ
నొడలు జాడించి మ - హోరగేంద్రంబుఁ
గడకతోఁ గబళించి - గరుడఁడు మింట
నాడించుగతి వాల - మార్చి కర్ణములు
జోడుగా రిక్కించి - చూపులు మింట
సాగించి గళము చాఁ - చక కుదియించి
యోగికైవడిఁ జాల - నూర్పులు నిలిపి
యెగుర నుంకించి తా - నెల్ల వానరుల
మొగములు జూచి స - ముద్ధతిఁ బలికె. 80
-: మహేంద్రపర్వతమునుండి సముద్రమును హనుమంతుఁడు లంఘించుట :-
"ఇదె చూడుఁడెగసెద! - నీలంకలోన
వెదకి జూనకిఁ జూచి - వేగంబె యిటకు
మఱలెద రాముని - మగువ లేదేని
సురలోకమున కేఁగి - చూచెద నచట
